Денеска во Белград се случи сериозен инцидент, кога студентка беше тешко повредена откако возач со возило влета во група студенти кои мирно протестираа, оддавајќи почит на жртвите од несреќата со падот на настрешницата на железничката станица во Нови Сад.
Повеќе од еден месец, студенти од преку 60 факултети организираат симболични акции на солидарност и сеќавање, блокирајќи го сообраќајот на 15 минути во чест на настраданите.
Во четвртокот, додека стоеле на раскрсница пред техничките факултети, настанот доби трагичен пресврт. Возач на автомобил со голема брзина влетал од улицата на тротоарот, при што удрил во една од студентките.
Според видеоматеријалите објавени на социјалните мрежи, ударот бил толку силен што студентката завршила на покривот на возилото. Возачот продолжил да вози, носејќи ја повредената девојка околу триесетина метри на покривот пред таа да падне на земја.
Tokom odavanje pošte stradalim, u Ruzveltovoj ulici u Beogradu, povređena je devojka kada ju je udario i nosio na krovu automobila nakon čega je pala ulicu. pic.twitter.com/M7nxsSuBK2
— TV N1 Beograd (@n1srbija) January 16, 2025
