Еврокомесарката за проширување, Марта Кос, изрази уверување дека уставните измени во Северна Македонија претставуваат клучен чекор за напредокот на земјата во процесот на евроинтеграции.
Обраќајќи се пред Комитетот за надворешни работи на Европскиот парламент, Кос нагласи дека исполнувањето на преземените обврски е неопходен предуслов за напредок на патот кон членство во Европската унија.
„Очекуваме Северна Македонија да направи важен исчекор со измена на Уставот“, изјави Кос, подвлекувајќи дека оваа обврска е дел од начелата кои важат подеднакво за сите земји-кандидати.
Таа го наведе примерот на Србија, која не успеа да ги исполни условите за отворање на кластерот „Конкурентност“ минатиот декември, како илустрација за важноста на исполнувањето на критериумите.
