Против 61-годишниот В.Х. од Битола е поднесена кривична пријава поради сомнение за извршување на кривично дело измама.
Според информациите од Министерството за внатрешни работи, пријавениот искористил полномошно кое веќе било поништено поради смртта на носителот на сметката.
Имено, од девизната сметка на починатото лице, на која имал полномошно, во два наврати подигнал парични средства во износ од 18.550 американски долари и 11.750 евра, иако бил свесен дека со смртта на сопственикот на сметката престанала важноста на полномошното.
