Французинката Ана, гостувајќи во емисијата „Seven to Eight,“ сподели необична, но трагична приказна за тоа како била измамена, верувајќи дека е во љубовна врска со холивудската ѕвезда Бред Пит.
Под влијание на оваа измама, Ана испратила неверојатни 830.000 евра на измамникот кој се претставувал како познатиот актер, а дури и се развела поради него.
Измамникот користел фотографии генерирани со помош на вештачка интелигенција, кои ги прикажувале наводните интеракции со актерот.
Тој тврдеше дека му се потребни пари за лекување на бубрег и дека му се блокирани банкарските сметки поради бракоразводната постапка со поранешната сопруга Анџелина Џоли. Со ваквите лаги, успеал да ја манипулира Ана повеќе од година и пол.
Ана, која по професија е декоратерка на ентериери и се соочува со предизвици поврзани со менталното здравје, била убедена дека разговара со вистинскиот Бред Пит.
