Денеска свечено беше пуштен во употреба експресниот пат кој ги поврзува Градско и Дреново, како дел од значајниот инфраструктурен проект за изградба на експресниот пат Градско – Дреново – Фариш.
Овој модерен и функционален експресен пат претставува клучна алка во сообраќајното поврзување на регионот. Ќе придонесе за побрза и побезбедна врска меѓу Прилеп, Битола, Могила, Новаци, Кривогаштани, Крушево, Росоман, но и ќе го олесни пристапот до главниот град.
Во наредниот период се очекува отворањето на следната делница од овој проект, која се протега од Дреново до Фариш. Овој дел е посебно импресивен, бидејќи вклучува два тунели кои ќе додадат нова димензија на сообраќајното искуство. Покрај практичната корист, овие тунели ќе создадат нови можности за развој на туризмот во регионот.
Понатаму, планирана е и изградба на трета лента на превојот Плетвар, со што ќе се намали времето за патување од Скопје до Прилеп на само час до час и десетина минути.
