Градоначалникот на општина Гази Баба, Бобан Стефковски, се вклучи во иницијативата за собирање финансиски средства потребни за лекување на 16-годишната Ана Радевска, која се соочува со ретка и сериозна болест.
Ана е ученичка во СУГС „Орце Николов“ и потребата за нејзино итно лекување поттикна бројни граѓани и институции да ја поддржат оваа хумана акција.
„Штом го забележав повикот на социјалните мрежи, веднаш побарав контакт со семејството за да ги информирам за мојата одлука општината да обезбеди финансиска помош во висина од 50.000 денари за лекувањето на Ана. По телефонскиот разговор со мајката, потребната документација беше доставена во општината и моментално се подготвува Решението за исплата на средствата“, соопшти градоначалникот Стефковски.
Тој апелираше до сите граѓани, компании и институции да покажат солидарност и да се приклучат кон акцијата, нагласувајќи ја важноста на заедничката поддршка во моменти кога е најпотребна.
