Во изминатите 24 часа, најголема количина снег се измери на Попова Шапка, каде снежната покривка достигна 64 сантиметри. Во Маврови Анови беа регистрирани 57 сантиметри, додека Крушево се покри со 36 сантиметри снег.
Во Дебар снежната покривка изнесуваше 34 сантиметри, во Штип 32, Демир Капија 31, а во Тетово 30 сантиметри. Во Берово беа измерени 27 сантиметри, Прилеп имаше 20, Охрид 17, Струмица 15, додека во главниот град, Скопје, беа регистрирани 11 сантиметри снег, соопшти Управата за хидрометеоролошки работи (УХМР).
Според утринските мерења, најниски температури се забележани на Попова Шапка, каде што термометарот се спушти до -10 степени Целзиусови. Во Маврови Анови и Крушево беа измерени -8 степени, додека Берово регистрираше -5.
Температурите во Крива Паланка, Битола, Прилеп, Охрид и Претор изнесуваа -4, а во Тетово, Дебар и Виница -3 степени. Скопје, Куманово и Штип забележаа -2 степени, додека во Велес, Кавадарци, Струмица и Демир Капија термометарот покажа -1 степен. Најблагите услови беа во Гевгелија, каде што температурата изнесуваше 0 степени Целзиусови.
