Македонскиот пасош обезбедува патување без виза во 129 земји ширум светот, што го позиционира на 40. место според Индексот на најмоќни пасоши за 2025 година, објавен од реномираната британска компанија „Хенли и Партнерс“.
Овој индекс, кој се заснова на податоци од Меѓународната асоцијација за воздушен транспорт, го оценува бројот на земји во кои граѓаните можат да патуваат без претходна потреба за виза. Во рангирањето за 2025 година, Македонија го дели 40. место со Црна Гора и Маршалските Острови.
Во рамките на регионот, највисоко рангирани се Грција, која се наоѓа на престижното шесто место, и Словенија, која е на 10. место. Хрватска го зазема 11. место, додека Бугарија е на 15. Србија, со можност за патување во повеќе земји без визи, е на 34. место. На пониски позиции се пасошите на Албанија, Босна и Херцеговина, и Косово, кои се рангирани на 43, 44 и 63 место.
