Портпаролот на Комисијата за заразни болести, д-р Злате Мехмедовиќ, уверува дека човечкиот метапневмовирус (HMPV) не претставува закана од размерите на пандемијата со Ковид-19.
Неговата изјава доаѓа како реакција на веста за првиот потврден случај на овој вирус во соседна Грција, во градот Солун, каде 71-годишен маж е хоспитализиран поради инфекција со HMPV.
Мехмедовиќ објаснува дека метапневмовирусот е познат патоген кој циркулира главно во зимските месеци и не е нов феномен во медицината. „Нема простор за паника. Овој вирус не се очекува да предизвика пандемија како коронавирусот во 2020 година“, кажа докторот.
