Младата и талентирана македонска пејачка на изворна, етно и верска музика, Јована Богданоска, денеска во 18:00 часот ја претстави својата најнова песна.
Оваа композиција, насловена „Денес се роди Месија“, е посветена на Исус Христос и се објавува токму на овој голем христијански празник.
Јована, 18-годишната девојка од тетовското село Брвеница, продолжува да ја гради својата музичка кариера со исклучителна посветеност кон верската и етно музика.
Претходно, таа ги освои срцата на публиката со прекрасната преработка на песната „Славете го Господа“, инспирирана од псалмот 136, која беше високо пофалена од верниците и љубителите на духовна музика.
