Грција, почнувајќи од оваа година, ќе воведе значително зголемување на туристичките такси со цел да обезбеди средства за подобрување на инфраструктурата и развој на одржливи туристички практики.
Според информациите објавени од „Шенген њуз“, туристите кои ќе ја посетат оваа популарна дестинација ќе плаќаат дневна такса од 2 евра, што претставува значителен пораст во споредба со досегашната такса од 0,5 евра. Во периодот на ударната летна сезона, од април до октомври, оваа такса ќе се зголеми на 8 евра дневно.
Покрај ова, значителни промени ќе има и кај цените за сместување. Туристите кои ќе одлучат да престојуваат во хотели со една или две ѕвезди, како и оние кои ќе изнајмат соби, ќе плаќаат 2 евра дневно, што е зголемување од досегашните 1,5 евра.
Хотелите со три ѕвезди ќе ја зголемат таксата за 2 евра повеќе од сегашната, додека гостите во хотелите со четири ѕвезди ќе плаќаат 10 евра наместо 7. Најголемото зголемување ќе го почувствуваат посетителите на хотелите со пет ѕвезди и луксузните вили, каде што таксата ќе се зголеми од 10 на 15 евра дневно.
Сместувањето преку платформи како „Airbnb“ исто така ќе биде погодено. Во зимските месеци туристите ќе плаќаат дополнителни 2 евра дневно, додека во летните месеци оваа такса ќе достигне 8 евра. Зголемување на таксите се предвидува и за патувањата со крузери, со што ќе се одрази врз вкупниот туристички трошок.
Покрај општите такси, посетителите на популарните острови како Санторини и Миконос ќе плаќаат дополнителни 20 евра дневно.
