Во Грција е воведена одлука за зголемување на туристичките такси, чија цел е да се обезбедат дополнителни средства за унапредување на инфраструктурата и промовирање на одржливиот туризам, особено по неодамнешните природни катастрофи. Овие поскапувања ќе се движат од 50 центи до 5 евра, зависно од типот на сместување.
Според информациите објавени од порталот „Шенген њуз“, од 2025 година туристите кои ќе престојуваат во Грција ќе плаќаат дневна такса од 2 евра, за разлика од досегашните 0,5 евра. Во текот на главната туристичка сезона, од април до октомври, оваа такса ќе се зголеми на 8 евра дневно.
Новите цени ќе важат за различни категории на сместувачки капацитети. За хотелите со една и две ѕвезди, како и за собите за изнајмување, таксата ќе изнесува 2 евра, што претставува пораст од минатогодишните 1,5 евра. За хотелите со три ѕвезди таксата ќе биде повисока за 2 евра во однос на претходно.
Хотелите со четири ѕвезди ќе наплаќаат 10 евра, што е значително зголемување од претходните 7 евра. Највисокото поскапување го претрпуваат хотелите и вилите со пет ѕвезди, каде таксата се зголемува од 5 на 10 евра.
