Ангел Димитров, младо и талентирано момче од Кавадарци, сѐ повеќе го привлекува вниманието на јавноста со својот исклучителен глас и љубовта кон македонската изворна народна песна. Неговата музика не само што ги освојува срцата на сограѓаните, туку и одекнува далеку надвор од границите на нашата земја.
Ангел е ученик во шесто одделение во основното училиште „Тоде Хаџи Тефов“ во својот роден град. Покрај тоа што е посветен на своето образование, тој со ист ентузијазам се посветува на негувaњето на традиционалната македонска музика.
Неговата интерпретација на песната „Кога падна на Пирина“ доби огромна поддршка и признание, особено на социјалните мрежи, каде што бројни коментари го истакнуваат неговиот талент и искрениот пристап кон изворната песна.
