Во 2025 година, македонските граѓани ќе уживаат во пет продолжени викенди благодарение на распоредот на неработните денови. Од вкупно 11 државни празници кои се неработни за сите граѓани, пет се поврзани со викендите – било да се паднати во петок или понеделник, или пак се во недела и според Законот се префрлаат како неработни во понеделник.
Првиот продолжен викенд пристигнува со божикните празници. Неработни ќе бидат понеделник и вторник, 6 јануари (Бадник) и 7 јануари (Божик). Следниот продолжен викенд е поврзан со празнувањето на Курбан Бајрам, кој оваа година се паѓа на недела, 30 март, па соодветно ќе биде префрлен за понеделник, 31 март.
За христијанскиот Велигден, граѓаните ќе одмараат продолжено бидејќи 21 април, понеделник, е прогласен за неработен ден. Дополнително, верниците од православна вероисповед ќе имаат слободен ден и на 18 април (петок), односно Велики Петок.
Други продолжени викенди ќе бидат за Денот на независноста (8 септември), кој оваа година паѓа во понеделник, како и за празникот Свети Климент Охридски (8 декември), кој исто така е понеделник.
Меѓу останатите неработни денови за сите граѓани се:
- 1 јануари (среда) – Нова Година,
- 1 мај (четврток) – Ден на трудот,
- 24 мај (сабота) – Ден на сесловенските просветители „Св. Кирил и Методиј“,
- 2 август (сабота) – Ден на Републиката,
- 11 октомври (сабота) – Ден на народното востание,
- 23 октомври (четврток) – Ден на македонската револуционерна борба.
Покрај овие, граѓаните од различните верски заедници ќе имаат дополнителни неработни денови. За православните верници, неработни ќе бидат 19 јануари (недела) – Богојавление (Водици), 18 април (петок) – Велики Петок, 6 јуни (петок) – петок пред Духовден, и 28 август (четврток) – Успение на Пресвета Богородица.
Католичките верници ќе одмараат на 1 ноември (петок), Празникот на сите светци, и на 25 декември (четврток), првиот ден на Божик.
Муслиманските верници, пак, ќе го одбележат првиот ден на Курбан Бајрам на 6 јуни (петок) како неработен ден.
Согласно со Законот за празниците на Република Македонија (Сл.весник на РМ број 21/98 и 18/07) во 2025 година неработни денови се:
За сите граѓани на РСМ
1 јануари (среда), Нова Година,
7 јануари (вторник), Божик, првиот ден на Божик според православниот календар,
30 март (недела), Рамазан Бајрам, првиот ден на Рамазан Бајрам, односно 31 март (понеделник) е неработен ден,
21 април (понеделник), Велигден, вториот ден на Велигден според православниот календар,
1 мај (четврток), Ден на трудот
24 мај (сабота) „Св. Кирил и Методиј“- Ден на сесловенските просветители,
2 август (сабота), Ден на Републиката,
8 септември (понеделник), Ден на независноста,
11 октомври (сабота), Ден на народното востание,
23 октомври (четврток), Ден на македонската револуционерна борба,
8 декември (понеделник), „Св. Климент Охридски”.
За граѓаните од православна вероисповед
6 јануари (понеделник), Бадник, ден пред Божик,
19 јануари (недела), Богојавление (Водици),
18 април (петок), Велики Петок, петок пред Велигден,
6 јуни (петок), Духовден, петок пред Духовден,
28 август (четврток), Успение на Пресвета Богородица (Голема Богородица).
За граѓаните од католичка вероисповед
21 април (понеделник), Велигден, вториот ден на Велигден,
1 ноември (петок), Празникот на сите светци,
25 декември (четврток), првиот ден на Божик.
За граѓаните од муслиманска вероисповед
6 јуни (петок), Курбан Бајрам, првиот ден на Курбан Бајрам
За граѓаните припадници на албанската заедница во РСМ
22 ноември (сабота), Ден на албанската азбука
За граѓаните припадници на српската заедница во РСМ
27 јануари (понеделник), Свети Сава
За граѓаните припадници на ромската заедница во РСМ
8 април (вторник), Меѓународен ден на Ромите
За граѓаните припадници на влашката заедница во РСМ
23 мај (петок), Национален ден на Власите
За граѓаните припадници на еврејската заедница во РСМ
2 октомври (четврток), Јом Кипур, првиот ден на Јом Кипур
За граѓаните припадници на бошњачката заедница во РСМ
28 септември (недела), Меѓународен ден на Бошњаците
За граѓаните припадници на турската заедница во РСМ
21 декември (недела), Ден на настава на турски јазик.
