Синоќа, во скопската населба Маџир Маало, избувна пожар во стара, напуштена куќа на улицата „Охридска“. Огнената стихија предизвика вознемиреност кај жителите од околните згради, кои во паника ги напуштија своите домови и се собраа пред станбениот објект непосредно до запалената куќа.
Пожарот, кој брзо се проширил поради состојбата на старата градба, привлече внимание на противпожарните екипи, кои веднаш излегоа на терен за да го стават под контрола. Благодарение на нивната брза реакција, огнот не се прошири на соседните објекти, но материјалната штета врз напуштената куќа е значителна.
Првичните коментари на социјалните мрежи се дека ова е познато сценарио, односно на истото место ќе „никне“ зграда, како што во минатото било случај на многу други локации низ главниот град.
