Лидерот на ДУИ, Али Ахмети, изјави дека Артан Груби не избегал од Македонија, туку е подготвен да соработува со правосудните органи. Сепак, тој нагласи дека Груби не прифаќа да биде дел од „одмаздничка и селективна правда“.
Ахмети ги изнесе овие ставови за време на својата посета на Косово, каде присуствуваше на прием организиран за ветераните на Ослободителната војска на Косово (ОВК). Настанот беше инициран од лидерот на косовската опозиција, Рамуш Харадинај.
Според косовските медиуми, Ахмети истакнал дека Груби моментално се наоѓа на албанските простори, без да прецизира конкретна локација. Тој додаде дека секое правно барање ќе биде почитувано, но подвлече дека правдата мора да биде фер и без политички мотиви.
