На протестот беа истакнати четири конкретни барања до надлежните институции, при што беше нагласено дека иако слични барања беа поставени и на претходниот протест пред три недели, одговор од институциите сè уште изостанува.
„Сакаме чист воздух“, „Воздухот ни е отров, власта ни е глува“, „Од смогот не се гледа иднината“ – со овие пароли, граѓаните на Скопје повторно излегоа на улиците, изразувајќи го своето незадоволство од состојбата со загадениот воздух.
Протестниот марш започна пред Министерството за животна средина, продолжи покрај Собранието и Владата, а кулминираше пред бараките на Град Скопје.
