Албанската влада цврсто останува на ставот за едногодишна забрана на платформата „ТикТок“, и покрај барањето на компанијата БајтДенс, нејзиниот сопственик, за појаснување на оваа одлука.
Премиерот Еди Рама реагираше со категорична изјава, истакнувајќи дека „во Албанија одлуките ги носат Албанците, а не сопствениците на алгоритмот што стои зад ‘ТикТок’.“
Според изјавите од албанската влада, оваа мерка е дел од напорите за заштита на јавниот интерес, особено на младите, од потенцијалните штетни влијанија на платформата.
„БајтДенс“, од своја страна, изрази загриженост и најави дека ќе бара итно разјаснување на причините за оваа забрана, која значително ќе влијае на корисниците и креаторите на содржини во Албанија.
Еди Рама дополнително нагласи дека Албанија е суверена држава која ги носи своите одлуки независно, водејќи се од интересите на своите граѓани.
„Никој, па ни сопствениците на технолошки гиганти, не може да диктира што е најдобро за нашата земја,“ рече премиерот.
