Изминатата ноќ Македонија ја потресоа три земјотреси во рок од само десет минути, со најсилниот кој достигна јачина од 3.2 степени според Рихтеровата скала.
Според Европско-медитеранската сеизмолошка опсерваторија (ЕМСЦ), првиот земјотрес бил регистриран во 1:12 часот, со епицентар во близина на Дојран, на длабочина од 11 километри. Набргу потоа, само една минута подоцна, на истото место се случил втор потрес со послаб интензитет, кој изнесувал 2.2 степени.
Десет минути по вториот потрес, земјотрес со јачина од 2.5 степени го погоди Скопје. Според податоците, епицентарот на овој земјотрес се наоѓал во близина на граничниот премин „Блаце“, на длабочина од 13 километри.
