Врховниот командант на сириските борци кои го соборија долгогодишниот претседател Башар ал-Асад, Абу Мохамед ал-Голани, даде остро предупредување дека сите одговорни за мачење и убивање на луѓето кои биле затворени за време на режимот на Асад, ќе се соочат со правдата. Според него, помилувањето не доаѓа предвид.
„Ќе ги следиме низ цела Сирија, а од земјите кои им овозможиле засолниште ќе побараме да ги предадат тие што избегале, за да можеме да ја спроведеме правдата“, изјави Голани во порака што беше објавена на официјалниот Телеграм канал на сириската државна телевизија.
Тој истакна дека оваа борба нема да запре додека сите виновници, без оглед на нивната позиција или локација, не бидат изведени пред суд.
