Утрово, во неколку градови низ Македонија, се спроведува голема полициска операција, пренесува порталот „Плусинфо.мк“.
Според информациите, станува збор за акција насочена кон приведување на лица кои се осомничени за инволвираност во спорни набавки во енергетскиот сектор.
Неофицијално, меѓу приведените се наоѓаат поранешни директори на АД ЕСМ, РЕК Битола и ТЕЦ Неготино, како и сопственици на приватни компании.
Истрагата ги опфаќа наводите за организирање криминална група, која преку злоупотреба на јавен повик за набавка на адитиви предизвикала финансиска штета од 6,5 милиони евра. Осомничени се вкупно 29 лица.
Дополнителни информации се очекуваат од Министерството за внатрешни работи и надлежното јавно обвинителство, кои ќе дадат детални изјави во текот на денот.
