Иницијативата „Зелен Хуман Град“ за утре најави протест против аерозагадувањето во главниот град, со цел подигнување на свеста и барање итни мерки за справување со овој долгогодишен проблем.
Протестот ќе започне во 16:00 часот пред Министерството за животна средина и просторно планирање, ќе продолжи преку Собранието, и ќе заврши пред Владата на Република Северна Македонија.
Од иницијативата посочуваат дека аерозагадувањето е причина за загрижувачки број смртни случаи во земјата, при што секоја година се регистрираат околу 3.828 смртни случаи поврзани со изложеност на честички PM2.5 – еден од најштетните загадувачи за здравјето.
Тоа претставува 17.7% од вкупната смртност во државата. Честичките PM2.5 се тесно поврзани со сериозни здравствени состојби, како што се белодробни заболувања, срцеви удари и рак на белите дробови, стои во повикот за протест.
