Последниот авион што полетал од Дамаск пред да биде заземен од сириските бунтовници, наводно превезувајќи го сирискиот претседател Башар ал-Асад, изгубил контакт со контролата на летот веднаш по полетувањето. Ова се случило над подрачјето на градот Хомс, кој се наоѓа под контрола на бунтовничките сили, објавува „Ал Џезира“.
Според претходни извештаи на „Ројтерс“, кои се повикуваат на изјави на неименувани воени извори, Асад утрината го напуштил Дамаск со авион, но неговата дестинација останува непозната.
Во меѓувреме, израелскиот весник „Вала“ пишува дека, според изјава на неименуван израелски функционер, сирискиот претседател ја напуштил земјата уште синоќа, заминувајќи од Дамаск до руската воздухопловна база Хмејмим. Наводно, од таму Асад планирал да продолжи кон Москва.
🚨Update: IDF has shoot down Assad’s aircraft!! Syrian Air SYR9218 took a sharp turn before going off the radar. Reports that it crashed!! pic.twitter.com/BbNnPh40hc
— US Civil Defense News (@CaptCoronado) December 8, 2024
