Фото: Принтскрин
Украински функционери активно водат преговори со администрацијата на Доналд Трамп, обидувајќи се да го ослабат притисокот за брзо решение на конфликтот со Русија, дури и пред Трамп официјално да ја преземе претседателската функција, известува Wall Street Journal.
Андриј Јермак, главен советник на украинскиот претседател Володимир Зеленски, се сретна со Кит Келог, номиниран од Трамп за специјален пратеник за Русија и Украина, како и со Мајк Волц, кој ќе биде новиот советник за национална безбедност. Во разговорите учествуваше и новоизбраниот потпретседател Џеј Ди Венс.
Келог изразил поддршка за напорите на Бајденовата администрација за забрзано снабдување на Украина со воена помош, што според него би му дало предност на Трамп во преговорите со Русија. Меѓутоа, тимот на Трамп не покажал голем интерес за членството на Украина во НАТО, што Зеленски го смета за клучен услов за било какви мировни преговори.
