На ски патеката се поставени 18 столбови, високи 10 метри, на кои се инсталирани по два LED рефлектори од по 200W, како дел од проектот за осветлување. Дополнително, поставен е и еден столб со четири LED рефлектори од 200W, наменети за осветлување на теренот.
Во тек е инсталацијата на ски лифтот, како и другата опрема, што покажува дека проектот се наоѓа во финалната фаза.
Според најавите, се очекува ски центарот да биде официјално отворен до крајот на месецот, со што ќе се овозможи подобро искуство за посетителите и скијачите.
