Јавен обвинител од Основното јавно обвинителство Скопје поднесе обвинителен предлог против едно физичко и едно правно лице за кривично дело „Узурпација на недвижности“.
Според содржината на обвинението, 47-годишен сопственик и управител на правното лице незаконски го користел земјиштето, кое е во државна сопственост, лоцирано позади Поликлиниката Битпазар, како паркинг простор.
Обвинетиот, без соодветна дозвола, поставил рампа и наплатен пункт, организирајќи наплата од 50 денари за 90 минути паркирање. Со оваа постапка тој го ограничувал и контролирал пристапот на влез и излез на земјиштето, користејќи го за свои финансиски интереси.
Јавниот обвинител во поднесокот побара и изрекување мерка на претпазливост, со која се забранува понатамошно користење на земјиштето за комерцијални цели.
