Триесет и петгодишен маж е приведен во врска со инцидентот со запалени возила и објект поврзани со функционери на политичката партија ДУИ во Куманово.
Како што информира Секторот за внатрешни работи, приведувањето е извршено денеска, 5 декември 2024 година, во раните утрински часови, околу 01:10 часот, во скопската населба Бит Пазар.
Операцијата била резултат на добиени оперативни информации и координирана акција помеѓу СВР Куманово, Одделот за криминалистичка полиција при Бирото за јавна безбедност и СВР Скопје.
Полициски службеници од Единицата за интервентна полиција на СВР Скопје го лишиле од слобода осомничениот Ф.А. (35) од Куманово.
