Елена Ристеска е македонска пејачка, позната по својот уникатен стил и успешна музичка кариера, која во интервју за „Hype TV Makedonija“ кажа дека Македонија е гнездо на таленти.
Ристеска посочи дека е тажно тоа што државата не учествува на Евровизија, посебно затоа што има многу музички таленти.
„Тажно е тоа што Македонија не учествува на Евровизија, каде што може да ја претставиме и промовираме државата. Македонија е гнездо на таленти, со кои нè препознаваат насекаде. Добивам позитивни коментари од секаде, но најмногу ми се полни душата кога добивам пофалби од македонските фанови. Мојата кариера од 22 години ја посветив на создавање македонска музика. Имав понуди да работам во странство, но решив да останам во Македонија“, вели Ристеска за „Hype Tv Makedonija“.
Целото интервју може да го погледнете ТУКА.
