Утринава на граничниот премин Аеродром „Св. Апостол Павле“ во Охрид, полицијата привела 19-годишна девојка од тетовското село Жилче, откако во нејзиниот багаж биле пронајдени девет куршуми со калибар 7,65 милиметри.
Куршумите биле откриени за време на рутинска контрола со рентген апарат, која се спроведува како дел од стандардните процедури на аеродромот.
Според информациите од Министерството за внатрешни работи, девојката била запрена на излез од државата во 07:20 часот. По откривањето на муницијата, полициските екипи веднаш извршиле увид на местото и ја задржале девојката за понатамошна истрага.
