Министерството за внатрешни работи потсетува дека возачките дозволи издадени со старото уставно име ќе важат само до 31 декември 2024 година, согласно измените во Законот за безбедност во сообраќајот.
Граѓаните кои сè уште поседуваат вакви дозволи се повикуваат навремено да ги заменат со нови, со цел да се избегнат непотребни метежи и да се обезбеди непречено користење на возачките документи по истекот на рокот.
Министерството информира дека сите шалтери на управните служби работат со полн капацитет за да им овозможат на граѓаните брза и ефикасна замена на старите дозволи.
Се препорачува граѓаните да го искористат овој период и да ја завршат постапката навреме, избегнувајќи потенцијални проблеми или доцнења кои би можеле да се појават блиску до крајниот рок.
