Годинава, регрес за годишен одмор, познат како К-15, ќе им биде исплатен на сите вработени и во приватниот и во јавниот сектор, со што оваа финансиска компензација станува универзално право за работниците во земјата.
Висина на К-15 за јавниот и приватниот сектор
Над 84.000 административни службеници ќе добијат фиксна сума од 11.000 денари како регрес за годишен одмор. Во приватниот сектор, висината на К-15 изнесува околу 16.800 денари, што претставува 40% од просечната плата исплатена во последните три месеци.
Рокови за исплата
Законските одредби предвидуваат исплатата на К-15 да започне од мај и да заврши до крајот на календарската година.
Услови за стекнување право на К-15
За да се стекне со право на регрес за годишен одмор, работникот треба:
- Да има најмалку шест месеци непрекинат работен однос кај ист работодавец во текот на годината.
- Во случај на промена на работното место, работникот сè уште има право на К-15, доколку претходно работел непрекинато шест месеци во една компанија.
Последици за непочитување на законот
Компаниите што нема да го исплатат регресот за годишен одмор се соочуваат со сериозни казни според Законот за работни односи. Паричните санкции изнесуваат:
- Од 2.000 до 3.000 евра за правното лице (компанијата).
- Од 500 до 1.000 евра за одговорното лице во компанијата.
