Мисијата на НАТО на Косово, КФОР, потврди за Радио Слободна Европа (РСЕ) дека по експлозијата во каналот Ибар-Лепенци во општина Зубин Поток, која се случи на 29 ноември, косовските институции поднеле барање за дозвола за распоредување на Косовските безбедносни сили (КБС) во погодената област.
Сепак, командантот на КФОР, по извршената безбедносна проценка и со оглед на активностите што мисијата веќе ги презела на теренот, одлучил да не даде одобрение за ова распоредување.
„Командантот на КФОР, врз основа на неговата проценка за моменталната безбедносна ситуација и интервенциите што КФОР веќе ги спроведе, одлучи да не издаде овластување,“ стои во писмената изјава доставена до РСЕ.
