На Светското првенство во танц, кое се одржа во Киелце, Полска, младиот танчер од Гостивар, Анди Исмаили, запиша историски успех и го потврди својот светски ранг.
Шеснаесетгодишниот Анди Исмаили триумфираше во конкуренција од 72 танчери од различни земји, освојувајќи го златниот медал На Светското првенство во танц, кое се одржа во Киелце, Полска во категоријата „Импровизации во уметнички настап“ (Performing Arts Improvisation).
Покрај златото, Анди го освои и сребрениот медал во дисциплината „Модерен балет – соло за момчиња јуниори“, со што ја потврди својата изведувачка извонредност и го доби признанието светски вицешампион.
Како член на танцовото студио „Break a Leg“ од Скопје, Анди се потпира на поддршката од својата менторка Андријана Петковски, која е заслужна за неговата техничка усовршеност, и инспиративната кореографија на Карол Ментол од Полска, чија креативност играше клучна улога во неговите настапи.
„Ова е огромна гордост за нашиот град, за Македонија и инспирација за младите да ги следат своите соништа,“ велат сограѓаните на Анди од Гостивар.
