Грузискиот премиер Иракли Кобахидзе денес објави дека земјата ќе ги одложи преговорите за пристапување во Европската унија (ЕУ) до 2028 година. Одлуката беше соопштена од седиштето на владејачката партија „Грузиски сон“ во главниот град Тбилиси, каде што Кобахидзе изрази ставови за иднината на европските интеграции на Грузија.
Премиерот изјави дека Грузија, како земја со богата историја и културно наследство, нема да прифати нејзиното пристапување кон ЕУ да се гледа како услуга од страна на Брисел. Тој нагласи дека интеграцијата ќе се оствари под условите поставени од самата Грузија, а не како резултат на наметнати барања или очекувања од Европската унија.
Кобахидзе истакна дека конечната цел на Грузија е да стане полноправна членка на ЕУ до 2030 година, но со фокус на градење на стабилна, независна и економски развиена држава.
