Македонската боксерска репрезентација продолжува со одлични резултати на Балканското првенство во бокс, покажувајќи голема борбеност и квалитет. По освоените пет бронзени медали, Ардијан Рустемовски ја збогати колекцијата со сребрен медал, носејќи уште едно значајно признание за Македонија од шампионатот во Лозница.
Во финалната борба, Рустемовски се соочи со Украинецот Максим Зименко, кој извојува победа со прекин во третата рунда. И покрај поразот, Ардијан го покажа својот борбен дух и ја направи Македонија горда.
Дополнително, нашата репрезентација има уште две шанси за злато. Денес, во финалето на првенството, ќе настапат сениорите Ален и Ружди Рустемовски, кои имаат можност да донесат најсјајни медали за Македонија.
