Фото: Принтскрин
Претседателот на Украина, Володимир Зеленски, изјави дека употребата на експериментална балистичка ракета против неговата земја е „уште еден доказ дека Русија нема никаква намера за мир“.
Зеленски нагласи дека Украина, согласно меѓународното право, има „целосно право“ да користи оружје со долг дострел против Русија во одбрана на својата територија и народ.
„Светот мора да реагира“, повика Зеленски, додавајќи дека рускиот претседател Владимир Путин „ги игнорира напорите на оние кои искрено се стремат кон обновување на мирот“ и дека „ја тестира решителноста на светската заедница“.
„Во моментов, недостасува силна реакција од страна на меѓународната заедница. Путин го користи тоа. Тој ве тестира, драги партнери. Мора да биде запрен. Недостатокот на остра реакција на руските постапки испраќа порака дека таквото однесување е прифатливо. Тоа е токму она што Путин го прави“, додаде Зеленски.
