Младата и талентирана Јулијана Ѓорѓиевска од Крива Паланка го освои престижното признание „Кралица на Европа“, гордо претставувајќи ја Македонија на меѓународната сцена.
Јулијана, која на социјалните мрежи е позната како „Горда Македонка“, беше македонската претставничка на реномираниот избор за убавина „Мис Евроазија“, што неодамна се одржа во Анталија, Турција. Со својот шарм, убавина и самоувереност, успеа да ја освои оваа блескава титула, потврдувајќи ја својата позиција како амбасадор на македонскиот дух и убавина.
Ова не е првпат Јулијана да ја претставува својата татковина на глобално ниво. Таа претходно учествуваше и на изборот за „Мис Универзум“, каде што исто така ги привлече симпатиите на публиката и жирито.
