По трагичната несреќа во Нови Сад, која предизвика големи реакции во јавноста, неколку високи функционери во Србија поднесоа оставки.
Прв ја напушти својата функција министерот за внатрешна и надворешна трговија, Томислав Момировиќ, кој претходно ја предводеше работата на Министерството за градежништво за време на реконструкцијата на Железничката станица во Нови Сад. По него, четири дена по несреќата, оставка даде и актуелниот министер за градежништво, Горан Весиќ.
На низата оставки им се приклучи и в.д. директорката на Јавното претпријатие „Железничка инфраструктура“, Јелена Танасковиќ, која вчера ја напушти својата функција.
Нејзината одлука дојде како одговор на притисоците и критиките за начинот на кој се управува со железничката инфраструктура, што делумно се поврзува со несреќата.
