Грчкиот премиер Киријакос Мицотакис денеска објави дека Грција има намера да го забрза процесот на отплата на јавниот долг, со цел до 2025 година да исплати најмалку пет милијарди евра од долговите кои настанаа за време на должничката криза.
На економскиот форум организиран од „Блумберг“, Мицотакис истакна дека оваа мерка претставува клучен чекор кон консолидирање на економската стабилност и дополнително зацврстување на позицијата на Грција на меѓународните финансиски пазари.
„Планираната отплата на долгот е значаен сигнал за економскиот пресврт што го постигна нашата земја во изминатите години“, изјави тој.
