Целиот амбиент во кој настапи Цеца беше опкружен со златен сјај, украсен со кристални лустери и ѕидови изработени со префинета и скапа техника на декорација.
Настапот се одржа во специјално реновираниот клуб „Вице“, лоциран на само 300 метри од прочуената Бурџ Калифа. Овој клуб е дел од ексклузивен хотел со пет ѕвезди, кој зрачи со врвен луксуз. Просторот е внимателно дизајниран за да обезбеди максимална удобност и приватност за гостите, при што секоја сепаре-луксузна кабина нуди чувство на ексклузивност.
Совршено вклопена во овој грандиозен амбиент, Цеца ги воодушеви присутните со својот настап. Како дел од шоуто, на сцената ѝ се придружи македонската „Гранд“ ѕвезда Мики Секуловски, кој редовно учествува како специјален гостин на нејзините концерти и секогаш остава силен впечаток кај публиката.
