Тешка сообраќајна несреќа го потресе Охрид рано утринава, кога автомобил излетал од патот на релацијата Охрид – Св. Наум, во близина на населбата „Елешец“. Во несреќата животот го загуби 18-годишниот Д.Ц. од Охрид, додека неговиот 16-годишен сопатник беше сериозно повреден.
Според портпаролот на СВР Охрид, Стефан Димоски, несреќата се случила околу 01:15 часот, кога автомобилот „Пежо“, управуван од починатиот, излетал од патот под неразјаснети околности.
На местото на настанот веднаш пристигнала екипа од Итната медицинска помош, која ја констатирала смртта на возачот. Повредениот сопатник е пренесен во болница со тешки телесни повреди.
