Во италијанскиот град Алба, во замокот Гринзане Кавур, се одржа јубилејната 25-та светска аукција на бели тартуфи, која традиционално ја означува сезоната на престижниот „тубер магнум пико“ – белиот тартуф.
Овој ексклузивен настан привлекува колекционери и гастрономски ентузијасти од целиот свет, бидејќи најголемите и најретки примероци од тартуфите се продаваат за рекордни суми.
Аукцијата е интернационален спектакл, одржан во живо со преноси од Хонг Конг, Сингапур, Виена, Франкфурт и Бангкок. Оваа година, најголемиот тартуф на аукцијата, кој тежеше 905 грама, беше купен од претприемач од Хонг Конг за импресивни 140.000 евра.
