Министерството за енергетика, рударство и минерални суровини започна со процес на распределба на ваучери за набавка и инсталација на енергетски ефикасни инвертер клима-уреди.
Повеќе од 6.000 домаќинства кои ги исполнуваа условите од јавниот повик, објавен на 1 февруари, ќе добијат ваучери во вредност до 500 евра.
Списоците со избраните корисници се веќе објавени, а ваучерите се испраќаат до општините. Граѓаните ќе можат да ги преземат своите ваучери во специјално одредени регионални центри. Деталите за локациите и работното време ќе бидат достапни на веб-страницата на Министерството за енергетика.
Ваучерите за купување на инвертер клима-уреди треба да се искористат до 30 ноември.
