Актуелната државна шампионка во друмски велосипедизам и хронометар трки, Елена Петрова (31), зеде учество на овогодинешното Балканско првенство во друмски велосипедизам 2024 (Balkan Road Cycling Championship WE – ITT 2024), кое се одржа минатата недела во градот Едрене, Турција.
Во силна конкуренција со врвни велосипедистки од целиот регион, Петрова успеа да ја заврши 25,3 километри долгата патека на одличното трето место, со заостанување од само 42 секунди зад победничката.
„Неизмерно сум среќна што имав можност да ја претставувам Македонија на меѓународната сцена. Гордо го носев националниот дрес и успеав да се искачам на подиумот во Едрене. Трката беше многу предизвикувачка, но мојата подготвеност беше на високо ниво, што ми овозможи да го извлечам максимумот од себе и да завршам на третата позиција“, изјави Петрова.
