Согласно актуелните трендови на факторите кои влијаат врз формирањето на минималната плата, се очекува таа во март 2025 година да порасне од сегашните 22.500 на околу 24.400 денари. Според проценките, овој пораст ќе изнесува нешто помалку од две илјади денари.
Синдикатите и опозициските партии бараат минималната плата да изнесува 24.500 денари, а предлогот веќе е внесен во собраниска процедура, каде ќе се гласа за него.
Според информации, Сојузот на синдикати врши притисок минималната плата да достигне 450 евра, што би било приближно 27.700 денари.
Министерката исто така информира дека во Предлог-буџетот за 2025 година се предвидени 2 милијарди денари (околу 32,5 милиони евра), кои ќе се користат како резерва за зголемување на минималната плата, во зависност од исходот на преговорите.
