Три лица беа повредени синоќа во сообраќајна несреќа која се случила околу 20:15 часот на автопатот Тетово – Гостивар, на три километри од наплатната станица кај Тетово.
Во несреќата учествувале два автомобила „Мерцедес“ со скопски регистарски ознаки, управуван од малолетничка од Голема Речица, и „Дација“ со турски национални ознаки, управувана од М.Б. (53) од Гостивар.
Според информациите од СВР Тетово, возачот на „Дацијата“ претрпел тешки телесни повреди, додека малолетната возачка и нејзината сопатничка од Требош се здобиле со полесни повреди, кои биле констатирани во Клиничката болница во Тетово.
