Претседателот на Србија, Александар Вучиќ, се обрати до јавноста поради трагичниот настан што го потресе Нови Сад, кога дел од зградата на Железничката станица се урна, предизвикувајќи смрт на 14 лица.
Меѓу загинатите има осум српски државјани и еден на Македонија, додека идентитетот на останатите пет жртви останува непознат.
„Ова е огромна трагедија која нѐ погоди сите. Дел од главната железничка станица во Нови Сад се урна врз многу луѓе. Засега не го знаеме идентитетот на пет од жртвите, додека осум се државјани на Србија, а едно лице е од Македонија. Во име на сите граѓани, изразувам најдлабоко сочувство до семејствата и блиските на настраданите. Во овој тежок момент, мораме да бидеме заедно и да им пружиме поддршка на семејствата на жртвите. Наш приоритет е да направиме сè што е во наша моќ за да ја ублажиме болката и да им помогнеме на оние кои ги изгубија своите најмили“, кажа претседателот Вучиќ со солзи во очите.
