„Есенската кошничка“ овозможила заштеда до 1.360 денари по семејство, посочи денеска министерот за економија, Бесар Дурмиши.
„Заштедата на месечно ниво за едно четворочлено семејство, како резултат на ограничените маржи и намалените цени на одредени производи, изнесува од 690 до 1.360 денари, во зависност од навиките за исхрана и од изборот на продавници каде се купува“ изјави министерот Дурмиши.
Министерот кажа дека од ноември се очекува дополнително намалување на цените со почетокот на примената на Законот за трговски практики.
