Пратеникот во Европскиот парламент и поранешен градоначалник на општина Химара, Фреди Белери, утрово бил нападнат со јогурт и јајца пред албанскиот парламент во Тирана.
Според албанските медиуми, Белери бил мета на активистот Дилавер Нел, кој го обвинил за одговорност во врска со вооружениот напад на албанска воена база во 1994 година, при што загинале двајца албански војници.
Белери се наоѓал во Тирана како дел од делегацијата на Европскиот парламент што ја посетува Албанија. Министерството за надворешни работи на Грција го осуди нападот врз Белери, кој претходно беше обвинет за корупција. Иако повторно победи на локалните избори, Белери не успеа да положи заклетва и ја загуби градоначалничката функција.
