Градоначалникот на Белград, Александар Шапиќ, на вчерашната прес-конференција ги претстави најновите промени во градскиот сообраќај, со посебен акцент на кружните текови.
Тој исто така реагираше на бранот коментари кои се појавија во српските медиуми и на социјалните мрежи во врска со поставувањето семафори на кружните текови.
„Мојата задача е да донесам новитети во Белград, нешта што досега не сте ги виделе. Каква би била мојата улога ако се занимавам само со веќе виденото?“ изјави Шапиќ.
Шапиќ кажа дека ова решение не е новина и прикажа примери од други европски земји како Шпанија, Германија, Италија и Хрватска, каде веќе постојат кружни текови со семафори.
